É DOMINGO…
Cambia de ritmo: descansa e vive con máis tranquilidade, pois é un día de festa.
Cámbiate de traxe, adorna a mesa do comedor, e deséxalle a todos un bo domingo.
Mira as cousas polo seu lado bo. Visita á túa familia e aos teus amigos…
Admira a natureza, visita un museo, unha abadía,…
Reúnete coa comunidade cristiá, escoita con ela a Palabra de Deus e celebra a Eucaristía.
DÉIXATE FACER POR DEUS…
A novidade radical que a Eucaristía introduce na vida do ser humano estivo presente sempre na conciencia cristiá. Os fieis percibiron axiña o influxo profundo que a celebración eucarística exercía sobre o seu estilo de vida. Ignacio de Antioquía xpresaba isto definindo aos cristiáns como os que chegaron á nova esperanza, e os que viven segundo o domingo.
O domingo é o día en que o cristián atopa aquela forma eucarística da súa existencia que está chamado a vivir constantemente. Vivir conforme ao domingo quere dicir vivir conscientes da liberación traída por Cristo e desenvolver a propia vida como ofrenda de si mesmos a Deus, para que a súa victoria se manifeste plenamente a todos os homes a través dunha conduta renovada intimamente (Benedicto XVI)